片名：愛．誘．罪 Atonement
日期：12/12/2007, 25/12/2007
時間：21:40, 16:00
片長：123 分鐘
地點：百老匯電影中心 Broadway Cinematheque House 2, 4
人數：百幾個

Rating: 35+17+14+15+3 = 84

(含大量劇情，敬請留意)

之前睇trailer，已經勁期待Atonement，英國+keira knightly+配樂+好評如潮，覺得係must-see，結果12/12睇左優先場，睇完有d唔係好明，25/12再去睇一次。(btw, 之前關於atonement o個篇會同呢篇夾埋)

第一次睇o個陣，我覺得：「下？咁都得？」，我覺得個誤會兒戲得滯，同埋只係show d警察問briony (Saoirse Ronan)同cecilia (Keira Knightly)，冇問番兩個當事人，有少少奇怪，搞到有d搞笑，同埋有d搵戲來做ge感覺，第二次睇完都有少少覺，但冇第一次咁強烈。

第一次睇o個陣我唔係好理解到點解Briony要咁害robbie (James McAvoy)，佢(Briony)雖然得13歲，但應該唔係年少無知o個種。成件事我覺得佢有少少處心積慮，由佢誘導 lola，令lola都"覺得" robbie係鹹濕佬同埋令lola以為robbie侵犯自己呢件事可見一斑。後尾佢又好似「懺悔」咁講話Robbie曾經救過佢…o個陣我問「其實Briony係咪鍾意robbie呢？只係Briony見到Robbie同Cecilia一d野就由「愛佢變成恨佢」？」雖然佢中段 (robbie救佢) 有提過，但我又唔係好肯定係咪真係，今次細心d再睇，我幾肯定Briony係「愛佢變成恨佢」。 

以下係我ge理解：一開頭Briony寫完劇本搵佢阿媽睇o個陣，佢遇到robbie，o個段對話入面，briony好似同robbie有少少鬥氣 (係briony單方面鬥氣)，呢個係第一個線索。之後見到Robbie同Cecilia o係水池邊ge爭執，佢開始諗Robbie同Cecilia係咪有d野，呢個係第二個線索。第三個線索係o個封唔應該俾cecilia ge信，briony睇到封信，除左覺得robbie下流，仲肯定左robbie鍾意ge唔係自己，而係cecilia，佢開始有少少「因愛成恨」(呢個時候佢就誘導lola，等佢覺得robbie係鹹濕佬)。第四個係佢目睹Robbie同Cecilia發生關係，呢下不得了，加埋briony(可能過多) ge想象，直接trigger左briony ge「怒火」，決定俾假口供，陷robbie於不義。Briony一失，足成Robbie同cecilia千古恨

第一次睇o個陣見到佢有兩段戲係先播左結論，跟住又番番轉頭講發生乜事(cecilia落水池執花樽碎片同埋段情慾戲)，我唔係咁明個用意…而家我會估，呢兩段「加長版」ge戲應該係briony想象出來ge野，我估briony可能當時mix up左現實同想象，又或者呢兩段其實係briony本小說ge一部分

另外，第一次睇o個陣，覺得d時序又四年後又幾個月前又幾星期前，有少少亂，而家睇番，其實個故事係o係robbie被拉之後分開兩part，先講robbie再講briony。

robbie o個段劇情我諗係交待戰爭ge慘況，同埋突顯robbie對cecilia ge愛慕，仲有，我覺得佢帶出埋briony害得佢有幾慘。briony o個段就突顯佢有幾內疚。佢o係醫院做護士，會接觸到好多病人，尤其係傷兵，見到d傷兵，令佢更加後悔自己ge過錯。我覺得，放棄去劍橋讀而去做護士，已經係贖罪 (atonement) ge 一部分。

不過，點解只係講briony同robbie而唔講cecilia呢？呢個睇完兩次都未參透到

第一次睇o個陣，已經覺得最後briony探robbie同cecilia o個段有d唔合理，因為計番時間好似唔係好make sense。但估唔到原來係一個戲中戲，briony本小說刻意整個positive少少ge劇情。呢個twist都幾得意

唔計呢個有d兒戲ge誤會，其實成齣戲個故事都幾好睇，但又講唔上好好睇 (係，我係有d失望，可能因為期望太高 XD)。我覺得睇呢套戲要花一d精神，因為佢敘事方式比較特別，唔係順序落的，而係一條timeline，中間有兩個位倒帶一次，之後split開兩條線，先講一條再講另一條，要花一d精神去理解同適應。我諗應該會有人覺得亂同埋覺得佢唔知想點，我第一次睇都咁覺得。

兩位主角表現幾好，但又唔係lor獎格。Keira Knightly真係好瘦，瘦到可以話冇乜身材可言，但佢著住件綠色裙好靚…整部戲最突出 (可能唔關個演員事) ge其實係13歲 ge Briony (Saoirse Ronan)，佢ge演出 / 角色係咁多個之中最深刻的

電影拍得唔錯，我諗好多人睇完都會對中段o係沙灘個長鏡頭留下深刻印象。佢初頭跟住Robbie同兩個同伴，之後就影沙灘上面其他野，影左好多呢個戰場入面發生緊ge野：治傷兵、唱聖詩、玩機動遊戲(！)等等，仲有個摩天輪。呢個長鏡頭好正。我亦幾鍾意ge場面係briony o係醫院走廊行，佢一路行，天花板上面ge燈就一盞盞咁著，幾有趣

另一個我覺得拍得幾好ge係中間o個段情慾戲，佢拍得好隱誨，但好配合個情境，因為suppose呢段係一d秘密、唔見得光，又或係一d可能係想像出來ge野

呢齣ge配樂相當出色，好好聽，除左用左唔少弦樂，佢亦仲用左好多打字機聲做配樂，十個正。其實成齣戲打字機佔戲都幾重 (XDD)，首先，成齣戲d字幕係打字機ge font，入面出現左幾次打字機…唔知點解，我覺得打字機o係呢齣戲入面代表住「想像」(imagination)：Briony的劇本同Robbie o個封唔應該俾其他人見到ge信，內容都係一d imagination…用打字聲做配樂實在非常有趣同有創意 (可能以前有人用過，但我唔知啦)，佢係我今年聽過最好ge配樂之一

呢齣戲之前lor獎呼聲都幾高，但暫時形勢似乎都係no country for old man贏面大d，我覺得，呢齣戲拎到best picture都可能要還下神。唔係話佢唔好，但總係爭咁d