香港新浪網 MySinaBlog
« 上一篇 | 下一篇 »
Ben | 1st Dec 2007 | 中文 - 戲院 | (964 Reads)

片名:投名狀
日期:29/11/2007
時間:21:30
片長:130 分鐘
地點:海運戲院 Grand Ocean Cinema
人數:幾百個

Rating: 28+16+12+12+3 = 71

首先多謝sina邀請我睇呢個問卷調查場 (雖然call得有d mun水),第一次因為寫blog而有免費優先場 XDDDD 。

保安都幾嚴密下,相機固然唔入得,影得相ge手機都唔得。我諗,應該大部分人ge手機都唔入得

o係近海邊個入口等入場,都幾混亂下,我排緊隊o個陣見到有d人唔知點解又入得,跟住又有好多人走上前問…

過security之前要登記,佢俾左張綠色飛我,我諗係分番d人坐邊,我呢d唔係vip ge,d位梗係差d

陳可辛導演有上去講兩句,原來個拷貝今朝先由泰國空運到港,我地呢場係第一批睇呢齣戲ge觀眾,wow,未試過快人咁多 XD

總括來講,套戲符合我先前ge預期。

可能只係我ge問題,我睇完都唔係好知「投名狀」係乜野,係咪類似「桃園結義」ge野?「投名狀」o係呢齣戲入面,除左臨尾金城武同李連杰一段對手戲之外 (呢段戲呢 (請反白) 我覺得幾拖下,同埋我有少少懷疑呢段係為左show李連杰ge功夫而拍ge,因為呢齣戲基本上冇段落佢係要耍功夫的),我睇唔到有乜野重要作為。

幾個人之間ge感情、角力等等互動o係要遷就戰爭場面ge情況下犧牲左,有d位變得兒戲。幾個人ge描寫都幾表面,係李連杰個角色寫得比較好d,亦令佢成為呢齣戲唯一一個主角,而佢亦handle得幾好。劉華ge演出雖然幾有驚喜,同以往ge劉華都幾唔同,但佢個角色似配角,令佢冇得發揮多d。

三個男角入面,最冇乜野ge男角係金城武,但我就幾鍾意個角色,帶點天真,佢亦handle得唔錯。

其實我幾唔明點解三個男角成日流眼淚。我覺得流咁多眼淚ge男人係唔會做到土匪之類ge物體的,唔係話男人唔可以喊,一齣戲入面喊一次半次又冇乜所謂,咁會話俾個觀眾聽個角色係有感情唔係冷血ge,但喊咁多次,我就覺得有反效果,搞到同佢地個身份好唔配合。 

內地名旦兼人氣博客徐小姐亦冇乜發揮,佢前後出場唔知有冇十分鐘,若只係想睇佢ge話可能會失望而回。如果要突顯兩個男角之間ge芥蒂,我覺可以o係其他方面 (例如三個人之間一d角力) 加深而毋須加入呢半個「爭女」環節。而家個「戲劇衝突」(擺明o係度亂拋書包 XDDDDDDDDDDDDD) 唔係咁強,加埋呢樣都冇乜點強到,仲因為要擺時間落去呢個情節而少左時間去塑造角色同形象。唔爭女會唔會好d?

無疑戰爭場面係拍得幾好,拍得幾迫真,IIB一定冇得走。但d音效我覺得達唔到水準,唔知同呢個係A Copy有冇關係。可能坐得前,總係覺得d聲只係o係前面出,冇乜環繞聲。音效呢方面夜宴就做得幾好。

另一樣我覺得幾好ge係d衫,唔係以前睇清裝片o個d心口得個勇字o個種軍裝。我覺得d軍裝、盔甲幾好睇,整得幾靚。

我繼續期待大中華地區有一齣兼顧到劇情同場面ge大製作。

(p.s. 戲入面有兩個位我覺得幾好笑,想睇請反白:第一個係佢地納投名狀o個陣,佢地要各殺一個陌生人,李連杰殺o個陣唔知點解我覺得好好笑,另一個係o係蘇州,劉華行出來o個陣,李連杰個O咀樣)

其他意見:

Open Cloze - [電影] 投名狀

講。鏟。片 - 《投名狀》:陳可辛打造國際市場史詩式故事

素顏天使 - 《投名狀》

kingman @ 電影私房菜 - 《投名狀》有彈有讚優先評

留言(6) | 引用(0) | 話題(點睇)

[6] Re: Carlos
Carlos :
咁推唔推篤去睇後面係咪打得好血醒 但係IIB應該無咩野呀MA

咁每個人對血腥ge接受程度都唔同ge,我唔知你個tolerance去到邊,我自己就覺得ok ge,都係普通戰爭片o個種血腥

推唔推薦呀?你覺得呢,haha,每個人口味唔同ge,我見好多影評人都大讚呢齣戲

Ben
[引用] | 作者 Ben | 12th Dec 2007 | [舉報垃圾留言]

[5]

咁推唔推篤去睇
後面係咪打得好血醒 但係IIB應該無咩野呀MA

Carlos
[引用] | 作者 Carlos | 12th Dec 2007 | [舉報垃圾留言]

[4] Re: kingman
kingman :
hi, i'm kingman. this is the first time i visit your blog. great job....and thanks for putting the link of my blog in here!!

You're welcome~

Ben
[引用] | 作者 Ben | 4th Dec 2007 | [舉報垃圾留言]

[3] Re: blue
blue :
得李連杰有戲做, 亦做得幾好其他人都係搵戲黎做...唔係做得差, 而係佢地根本無戲可演劉生做得好過墨攻好多喎, 佢墨攻係連影住佢背脊行路都動作很劉華囉.如果講戰爭場面我覺得好過墨攻, 但係message不及墨攻出喎...投名狀要殺人我覺得個意義係3個人做一d事係"三個人的秘密經歷"黎令佢地互相牽制, 令佢地更團結. 搵黎搞, 三條友都係一向殺人如麻, 殺多三個不礙事的人會地兄弟團結d? 唔係卦... 我覺得同劏三隻雞無分別囉....

冇睇墨攻,冇得比較~

但呢齣真係好唔劉華

除左李連杰外,其他幾個主角其實唔係幾特別 (係金城武cute左少少)

Ben
[引用] | 作者 Ben | 4th Dec 2007 | [舉報垃圾留言]

[2]

hi, i'm kingman. this is the first time i visit your blog. great job....and thanks for putting the link of my blog in here!!

kingman
[引用] | 作者 kingman | 2nd Dec 2007 | [舉報垃圾留言]

[1]

得李連杰有戲做, 亦做得幾好
其他人都係搵戲黎做...唔係做得差, 而係佢地根本無戲可演
劉生做得好過墨攻好多喎, 佢墨攻係連影住佢背脊行路都動作很劉華囉.
如果講戰爭場面我覺得好過墨攻, 但係message不及墨攻出喎...
投名狀要殺人我覺得個意義係3個人做一d事係"三個人的秘密經歷"黎令佢地互相牽制, 令佢地更團結. 搵黎搞, 三條友都係一向殺人如麻, 殺多三個不礙事的人會地兄弟團結d? 唔係卦... 我覺得同劏三隻雞無分別囉....

blue
[引用] | 作者 blue | 1st Dec 2007 | [舉報垃圾留言]