香港新浪網 MySinaBlog
« 上一篇 | 下一篇 »
Ben | 29th Dec 2010 | 中文 - 戲院, 其他語文 - 戲院 | (845 Reads)

本來唔係特別想睇,但聽到各方好評就去左睇

講套戲之前,我想講,o個日o係UA時代睇呢齣,播正片前播左15分鐘廣告!!同埋一條trailer都冇!!

好,講番套戲

戲名話係借東西,連對白都話d小矮人係借野,某程度上都係o既,佢借糖同紙巾,好似我地問人借糖借紙巾咁,有幾可會還呢?擺明車馬係拎人地d糖同紙巾走啦,但假假地我地都係光明正大咁問人拎,而佢地要o係人地唔知o既情況下「借」,咁借問聲,同「偷」有乜分別呢?我覺得個意識都幾有問題。其實,講一家「人」靠偷野為生係冇問題的,咁做賊都有做賊o既故事可以講,但叫呢個行為做「借」,我唔係幾接受到…

所以,打從一開始我就唔鍾意呢套戲

不過,情節舖排都幾好的,同埋寫得幾細緻,我幾鍾意佢將我地覺得好普通好細件o既野,變成小矮人世界o既野就有唔同用途,例如用釘造樓梯。對比起另一套小人電影Guilliver's Travels,呢齣寫得細緻好多,o個齣其實冇乜點寫同小人生活先會出現o既事

電影亦略為硬銷環保訊息 (我覺得係硬銷係因為佢直接用對白交代),借小矮人講d瀕臨絕種生物

亞莉亞蒂同阿翔o既友情都寫得幾好,有d位其實幾sweet…亞莉亞蒂媽媽好浮誇但好好笑,爸爸就沉實穩重,典型男人…另一個(我唔記得左名的)同類,同龍貓入面個怕醜仔好似,怕怕醜醜唔多講野咁 (睇左幾齣宮崎駿o既戲,都有類似角色)…至於個工人阿春,其實唔係幾明佢點變成電影唯一o既奸角,佢好似突然變臉咁....不過佢又係好好笑