香港新浪網 MySinaBlog
« 上一篇 | 下一篇 »
Ben | 15th Oct 2010 | 其他語文 - 戲院 | (1685 Reads)

電影冇想像中咁令我心寒 (最初我以為心寒度同Funny Games (1997) 相若),亦冇想像中咁令我心up (最初我以為心up度同Babel相若)

但呢齣戲個故事令人回味,舖排慎密,亦帶俾人唔少思考,結局都幾出人意表,就算唔係今年最佳電影,都一定係三甲之一。

電影開頭已講到兇手係邊個,但當你以為知道真相o既全部,其實你知道o既得好少…以下係故事簡介:

在學期結業當天,女教師森口悠子在課室向學生們宣告一個驚人消息:她辭任教師一職,原因是數月前在學校泳池溺斃的4歲女兒;愛美的死不是意外,是被班房內的學生殺死!
森口不點名指出兩名兇手:少年犯A和少年犯B,她不打算採取任何法律行動,因為她計劃教導兇手知道生命可貴。她將帶有愛滋病毒的血液注入牛奶給兩名疑犯飲用…

呢度係大約頭20分鐘的劇情,全程係森口老師 (松隆子) 的獨白,真正好睇ge地方o係獨白之後開始…

據聞原著小說都係用一個個角色 (森口老師、疑犯A、疑犯B、疑犯B媽媽同一個女同學) 的獨白去寫,電影都保留左呢個特色,但唔會淪為入戲院聽故仔,畫面同獨白互相配合,用VO用得好出色…但亦因為咁,呢齣戲對白勁多,要花d精神去追字幕

但我最欣賞ge係故事,寫得都幾滴水不漏,睇完戲我同人講番個故仔一次,講o個陣我諗番d劇情,諗諗下覺得入面d事情幾令人O咀都好,o係o個個context o個個人物背景/性格下其實幾make sense,係有一個位我未明白: 點解咁大件事,班入面冇人揚出去?

同埋人物善惡難辨,初初你可能會覺得森口老師係o岩的,兩個疑犯係抵死,但去到結局 (呢個幾出人意表,冇諗到會有此一著),我都真係唔知森口老師同兩個疑犯係正定係邪,兩個疑犯其實幾陰公,而森口老師對疑犯A咁做其實亦過左火 (但如果結局o個件事冇發生到,其實又唔成立…呢齣戲個結局同inception一樣整個open end:究竟件事有冇發生到呢?真定假呢?),都唔知乜野o岩乜野唔o岩了…

電影實在有好多反思空間,不過批判其實唔算好重,我諗畫面係其中一個原因,呢齣戲d畫面幾特別,tone係藍/灰色,好多慢鏡,有時又玩 8mm (定16mm?),又玩好多effect (我幾鍾意個時光倒流),我覺得呢d畫面令觀眾個注意力某程度上分散左,個批判性無形中好似減輕左…另外,雖然電影多反思空間,但我覺得個意識其實都值三級,因為佢做得幾踩界,個人軟弱 (我諗唔到一個更好ge詞語) 一d都好易睇完套戲諗歪…

地鐵poster有呢句:松隆子巔峰演繹…佢o係戲入面做得真係幾好,但係咪「巔峰」又好難講,但「癲瘋」都應該冇乜走雞 (ok,專登爛的)…佢做得最好o個幕係同女同學坐o係餐廳傾,佢突然笑o個一下,開頭獨白o個度我反而覺得冇乜野…木村佳乃做疑犯B阿媽都做得好好

再講多次:
就算唔係今年最佳電影,都一定係三甲之一。(另外兩齣暫時係Inception同Toy Story 3)

90/100


[4]

雖然班學生反智,但係佢地都覺得A同B殺老師女係判徒行為,令佢地可以私下折磨A同B兩人(可以有共同而合理化的攻擊目標),所以揚出去反而無野好玩。

個ENDING唔係OPENEND, 森口最後的眼淚而說明一切。唔好用未夠班之INCEPTION同呢套比

那星娛樂
[引用] | 作者 那星娛樂 | 19th Oct 2010 | [舉報垃圾留言]

[3] Re: brownie
brownie :

點解咁大件事,班入面冇人揚出去?<-因為佢哋唔想諗唔想提唔想面對呢件事,同埋新學期有人匿名sms話唔准講。
究竟件事有冇發生到呢?真定假呢?<-無發生,松隆子只係從女同學處知道佢最著緊阿媽特登耍佢。我覺得佢話「嘭」一聲嗰度最型。



1. 個sms都係新學期先有,但放假期間冇人將森口老師講ge野揚出去?驚到唔識/唔敢講?

2. 諗諗下都覺得係冇發生,明明之前話拆左...

諗諗下,其實成件事係唔係「我要令你滅亡,必先令你瘋狂」呢?


[引用] | 作者 Ben | 16th Oct 2010 | [舉報垃圾留言]

[2]

點解咁大件事,班入面冇人揚出去?<-因為佢哋唔想諗唔想提唔想面對呢件事,同埋新學期有人匿名sms話唔准講。

究竟件事有冇發生到呢?真定假呢?<-無發生,松隆子只係從女同學處知道佢最著緊阿媽特登耍佢。我覺得佢話「嘭」一聲嗰度最型。


[引用] | 作者 brownie | 16th Oct 2010 | [舉報垃圾留言]

[1]

讚賞導演的鋪排,最後那一句(不管是真是假),更是癲的徹底,也同意松隆子演技,這個絕對有機會成為她的代表作。


[引用] | 作者 Kin | 15th Oct 2010 | [舉報垃圾留言]